بدون عنوان

من قسوة الزمن… و شدة الألم… يدمي القلم. فيكتب ما في النفس من احزان. يسطَر هموم شعب كتب مأساته على صفحات التاريخ. بالخط العريض.  غير منتظر لرد او عزاء او سلوان. فقد كثر النداء. و تعالى الصراخ و لكنكك “قد اسمعت لو ناديت حيا… و لكن لا حياة لمن تنادي”. ثم ما تلبث ان تياشر البحث عن عنوان… لتجد العنوان يقبع هناك… تحت الحصار. و على امل ان يتحرر العنوان تترك ما كتبت… بلا عنوان.

يا قدس… الك الله… و غيره ما راح… يسمع

يا قدس… صوتك… بالسما… يصدح

يلف الدنيا… طول و عرض… و باللآخر… يرجع

و ما يحرك… ذرة شهامة… فينا

ضاعت الكرامة… و للعدو صرنا… نركع

و نفط العرب… دولارات عم… يربح

و ما نابك منهم… الا استنكار… ببيان خجلان… يطلع

كلمات مصفَطة… ببلاش… ما كنا… نشتريها

بالضفة الطفل منكوب…مربَط … مكتَف… بالحجز…. يقبع

من يوم دبَت فيه الروح… نسي شو معنى… يفرح

من الظلم روحه انطفت… و قدَامه بطَل… يقشع

و أمه من ورا السور… بعالي الصوت…. يناديها

و شوية ناس… على ظهر الشعب… تطلع

بإسم السلام تجتمع… مع العدو… على طرف مسبح

ما همهم راحة شعب… و لا أرض… ترجع

و باسم القضية صاروا… يبيعوا و يشتروا… فيها

و برا الوطن شعب… برجف… لما اسم الوطن… يسمع

الغربة اكلت اجسامه… و روحه…شوقه للوطن… يذبح

من الألم… نفسه هالزمن… يرجع

و يعود لأرض الوطن… فلسطين… بدمه و روحه… يفديها

و بغزة…من القهر… حتَى الدمع … يدمع

و يفَجر احزان… حتى الجرح… تجرح

و يغيَب شمس الفجر… حتى قبل ما… تطلع

و يرش الملح… على كل جرح… فيها

وصرخة ألم… دوَت مثل صوت… مدفع

حملها الهوا… ع كل… مطرح

دبَ الطرش فينا… و ما كان حدا… يسمع

و خفَ صداها مع أيام… بالذَل … نقضيها

رغيف الخبز … عالمعبر… جارنا… يمنع

باب الدار سكَره… لحتى ما… يفتح

ورغيف الخبز … يطفي الجوع… و للقضية… نرجع

و يرجع للدار… شب و ختيار… يحميها

يا قدس… لا تيأسي… رغم كل… القمع

شعبك… رغم ايد الأخ… اللي بظهره عم تجرح… عمره ما راح يسمح

انه الوطن يضيع… و للعدو يصير… مرتع

الأبيض عنده لون الكفن… مش راية استسلام… يلوَح فيها

حبَ ترابك… طفلنا الصغير… من صغره… بيرضع

تا يكبر الطفل… و يحمل حجر… فيه… عار العرب… يمسح

فلسطيني… راسه للسما… يرفع

و يصرخ لكل البشر… فلسطين امي… و لآخر قطره بدمي… راح اظل احميها

“أحمد عفانه  19\3\2010”

Advertisements

أضف تعليق

Filed under فلسطين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s